السلام عليكم ورحمه الله وبركاته
انا ممكن اتكلم باختصار عن طلبى للعلم
على فكره انا مش عرفه ان كنت كدا بطلب علم او لا بس انا نفسى فى حاجه واحده
انى احفظ القران امنيتى يارب يحققهالى
على فكره مش بعرف اقول كلام بليغ كدا بس ياريت كلامى يوصل لقلوبكم
انا فى البدايه لما كنت فى الدراسه وخاصه الثانوى مكنشى همى حاجه الا المذاكره وكنت بعتبر طالما مش بعمل معاصى كبيره وبصلى وبصوم يبقى انا كدا كويسه ومكنشى فى قنوات اسلاميه زى دلوقتى يعنى كانيومى عادى مدرسه ودروس بس
بس لما روحت الجامعه ولقيت بنات منتقبات فى سنى مع ان كان قليل جدا فى بلدنا منتقبات وكنت افتكر ان النقاب للجميلات بس عشان الفتنه ولقيت بناتفى سنى بتدى دروس وكلام ما شاء الله كنت اقول خدوا الكلام دا فين هى المدرسه بتاعتهم بدرسلهم دا
بصراحه بقيت اغير قوى منهم
فبدات اشترى كتب واروح مكتبات اسلاميه ففهمت الناس دى عيشه ازاى مع انى حسه ان دا كل انسان بيعمله وانا اقل واحده
وانضميت للمنتدى دى عن طريق الصدفه وجايز اول موضوع عملته هو الانضمام لحلقات التحفيظ والتجويد جايز معرفشى الاقسام كلها الى فى الموقع وبصراحه مش بشارك خالص بس الى بهتم بيه هو حلقات التحفيظ لانى بكون مرتاحه اوى وانا بحس انى بمشى ولو خطوة واحده تقربنى من ربنا
ادعولى بالله عليكم لانى حسه بتقصير فظيع ومكسوفه اوى من ربنا
انما بقى لسؤالك عن الى يزود الهمه
فاهم حاجه بجد بجد هى الصحبه الصالحه
اللهم اجمعنا فى الفرادوس الاعلى
|