لغز يسير لكن .....شديد التعقيد!!! [الأرشيف]

سارة بنت محمد

05-03-10, 10:26 PM

السلام عليكم ورحمة الله وبركاته

هو لغز في غاية البساطة ...لكن في تفس الوقت شديد الصعوبة وشديد التعقيد!

كيف هذا التناقض؟! لأن له مغزى لا يمكن إداركه بسهولة!

اللغز:
" شخص أراد أن يصعد إلى الدور الأخير من بناية مكونة من خمسة عشر طابقا
فاستقل المصعد إلى الطابق العاشر
ثم أكمل الخمسة طوابق على قدميه

السؤال :
لماذا أكمل الخمسة طوابق الباقية على قدميه؟"

ملحوظات هامة:
ممنوع الاستفسار عن شيء في اللغز
اكتب ما يجول بذهنك بلا تردد
لن أضع تعليقا قبل مرور أسبوع على الأقل (أسأل الله الصبر)
لن أضع تعليقا قبل الحصول على عدد مرضي من التخمينات (ولهذا على من يتخلق بالفضول أن يرغم من لا يتخلق بالفضول على وضع إجابة!)

في انتظار المشاركات

أخواتي : لا تنقلوا الموضوع من هنا فهو موضوع شرعي إن شاء الله بس بعد الصبر هنوصل(ابتسامة)

أم بتول السلفية

05-03-10, 10:35 PM

ممممم:huh:
مممم اعتقد انو المصعد لا يمكن ان يصعد الى اكثر من عشر طوابق
لكن تخميني لا يدل على اي حكم شرعي :laugh:

هذا ما وصلت اليه :rolleyes1:

سمية ممتاز

05-03-10, 11:54 PM

مشان يتعود عالصبر ^_^

فيني نوووم
أرجع للسؤال في وقت ثاني : )

شيماء تونس

06-03-10, 05:59 PM

الله المستعان
ممكن عشان يحس بالتعب و الصبر و يعرف ان لا شيء يأتي بسهولة و بلا مشقة ، او ربما ليتحدى نفسه سبحان الله احيانا من وجهة نظر يكون عمل ما شاق و متعب و لكن لو نظر بطريقة اخرى صارت لذة و متعة

أمـة الخبيـراللطيف

06-03-10, 06:13 PM

وعليكم السلام ورحمة الله وبركاته
ربما انقطعت الكهرباء عند الدور العاشر
فاضطر الى الصعود على السلم باقي الادوار ..
ننتظر الاجابة الصحيحة .

مفكرة إسلامية

06-03-10, 07:56 PM

وعليكم السلام ورحمة الله وبركاته ..
أهلاً بـ سارة،

لقد كدت أن أنقل الموضوع لولا أن قرأت التنبيه في ختامه =)

على كلٍ ننتظر الجواب،
ولا أخفيك أني حاولت الإجابة عنه لكن ... >> ما عرفت :laugh:

صُحبة

06-03-10, 08:28 PM

وعليكم السلام و رحمة الله و بركاته ..
حياك الله عزيزتي : سارة بنت محمد ..
عندما قرأت موضوعك التبس علي الأمر , أي قسم دخلتُ :)

لي عودة - بإذن الله - للتعليق ...

أم الزهراوين

07-03-10, 11:22 AM

وعليكم السلام ورحمة الله وبركاته
اشتم رائحة حل اللغز في العلاقة بين الثلثين والثلث ولكن لا استطيع الربط هذا اذا كان مختارا
ولكن ربما كان مضطرا:
1- تعطل المصعد او نهايته الدور العاشر
2- ركبت معه سيدة فاختار قاعدة اخف الضررين وفضل يطلع على رجله
3- ركب مريض في الدور العاشر ونازل للطبيب فآثره على نفسه
4- المصعد زحام وارادت ان تركب سيدة او كبير السن فآثره ولم يرد الانتظار
5- نسي وخرج ولم يدرك انه في العاشر الا بعد ان اغلق الباب
6- المصلحة التي في الدور الاخير لن تنقضي الا بالمرور على هذه الادوار كتوقيع اوراق وخلافه
ولو قعدنا نخمن لن ننتهي
في انتظار الحل

سارة بنت محمد

07-03-10, 11:42 AM

طبعا شفتم اسمي دخلتو جري تشوفوا الإجابة

بعينكم (ابتسامة)

شوفوا أنا كنت ما هضع تعليق إلا بعد مرور أسبوع

بس أنا شايفة في ناس دخلت قرأت ولم تكتب إجابة!!

هذا ممنوع

على كل من يدخل أن يكتب الإجابة التي تمر بذهنه

ولو كانت مكررة

هو لازم ننادي على الأسماء واحدة واحدة زي المدارس؟ أنتم كبرتم هذا معهد مش مدرسة (ابتسامة)

ولو حصلت على عدد مرضي من الإجابات ممكن أضع تعليقي قبل مضي الأسبوع

ابتساااااااامة من القلب

مروة عاشور

07-03-10, 01:14 PM

أعجبني رد أم الزهراوين
أضيف إليه أنه
جرب يتعب شوي ((

في ناس بتخاف لما الأمور تسير بيسر وسهولة ((إبتسامة ))

وبعدين تيجي أبلة عابرة سبيل وتحل اللغز :huh:

نفسي أتوب

07-03-10, 01:49 PM

وعليكم السلام ورحمة الله وبركاته
اعتقد ان الاخت ام الزهراوين ذكرت معظم الاحتمالات- ركبت معه سيدة فاختار قاعدة اخف الضررين وفضل يطلع على رجله
ظننت هذا ولكنها كتبتها ايضا

إبتسام بنت عبدالعزيز المهوّس

07-03-10, 02:04 PM

ممم
لو كنت حطيتي لنا رقمه لحتى نسأله :)

طيب انا اقول يمكن حاب يغير الطريق مثلا راجع من صلاة العيد:rolleyes1:

او ممكن تعطل المصعد في الدور العاشر ومضطر يكمل على رجليه

هذا ماطلع معي بعد ان قرأت اغلب الإحتمالات من الأخوات

ام موسى

07-03-10, 03:21 PM

السلام عليكم ورحمة الله وبركاتة قال تعالى:(ام حسبتم ان تدخلوا الجنة ولما يعلم الله الذين جاهدوا منكم ويعلم الصابرين ) فعلينا بالمجاهدة وكما نعلم فى العلم الشرعى ان المجتهد له اجر.
فانا اجتهدت و توصلت انه من الممكن انه فعل هذا فتور وهذا قياسا على ان الايمان يزيد وينقص فمن الممكن ان يكون تشبيه هذا ما استنتجته طالما انها تقول انه له فائدة شرعية والله تعالى اعلى واعلم.
(كلا سيعلمون )(ثم كلا سيعلمون)

ام موسى

07-03-10, 03:27 PM

و على راى بعض الامثال عندنا فى مصر المضطر يركب الصعب
ونصيحة للاخوات (يا خبر النهاردة بفلوس بكرة يبقى ببلاش) (:

ام زهرة

07-03-10, 03:45 PM

حسب رأيي أن هذا الشخص أكمل الخمس طوابق في المصعد طبعا على قدميه فهو واقف على قدميه في المصعد في جميع الادوار .المهم أنني حاولت أختي الفاضلة سارة ولك ان تضعي العلامة

مروة عاشور

07-03-10, 04:24 PM

و على راى بعض الامثال عندنا فى مصر المضطر يركب الصعب
ونصيحة للاخوات (يا خبر النهاردة بفلوس بكرة يبقى ببلاش) (:

(: ايون :icony6:

مروة عاشور

07-03-10, 04:26 PM

من الممكن انه فعل هذا فتور وهذا قياسا على ان الايمان يزيد وينقص فمن الممكن ان يكون تشبيه هذا ما استنتجته طالما انها تقول انه له فائدة شرعية والله تعالى اعلى واعلم

بعد إذنك سارة

جميل إستنتاجك أختي ماشاء الله

أم الزهراوين

07-03-10, 06:29 PM

لا زلت اشعر ان الحل في الثلثين والثلث
وخذ هذه
قال الرسول - صلى الله عليه وسلم- ((( اعمار امتي بين الستين والسبعين)))))) وهناك حديث آخر
لمن بلغ الستين لست اذكره وذكر الله تعالى ان بلوغ سن الاربعين هو سن الاشد والنضج ((((((( حتى اذا بلغ اشده وبلغ اربعين سنة قال رب اوزعني ان اشكر نعمتك التي انعمت علي وعلى والدي وان اعمل صالحا ترضاه واصلح لي في ذريتي اني تبت اليك واني من المسلمين))))))))
فالانسان عامة وطالب العلم بصفة خاصة يتعلم عن ربه وتزيده تجارب الحياة خبرة حتى اذ بلغ الاربعين ادرك حقيقة الحياة واقبل على ربه بكليته علما وعملا واشتد في الاعمال الصالحة فقد اوشك على الوصول ولربما فعل صاحبنا ذلك لكي يتذكر ما يجب عليه عند الاربعين وكذلك تمرينا لنفسه اذا بلغها
ام حبيبتي ان اطلقنا العنان للاحتمالات :
1- ربما كان اول مرة يركب المصعد وانكسف يسأل والكل نزل الدور العاشر
2- حابب يقول اذكار الصباح او المساء قبل ما يوصل
3- رياضي وليس عنده وقت ولا مكان لممارسة الرياضة
4- أحب ان يطمئن على الجيران
5- بيسابق المصعد!!!!!!!!!
6-اخذ بالرخصة وبعدين احب ان يأخذ بالعزيمة
7- كان لا يستطيع المشي على قدميه فشفاه الله فمن فرحته كمل على رجليه شكرا لله
وبعددددددددددددددددددددددين يا سارة كفاية كده

مروة عاشور

07-03-10, 06:32 PM

وبعددددددددددددددددددددددين يا سارة كفاية كده

إستمري يا أم الزهراوين رفعتي همتي الله يرضى عليكِ

على مهلك يا سارة شهر او اتنين ((ابتسامة .....(:

أم الزهراوين

07-03-10, 07:09 PM

الله يرضى علينا وعليكم وعلى الجميع حبيبتي زهرة
ربنا يوفق اخت من الاخوات للربط الصحيح
اما الاحتمالات الغير منضبطة:
ربما كان مكتوب على المصعد في الدور الارضي الصعود للدور العاشر فقط والمسلمون عند شروطهم وان الله كان عليكم رقيبا
وآخر حاجة هاقولها يا سااااااااااااااااااااااااااااااااااااااااااااااااااااااااااااارة
مزاااااااااااااااااااااااااااااااااااااااااااااااااااااااااااااااااااااااااااجه كده هووووووووووو حررررررررررررررررر
ودمتم سالمين

مروة عاشور

07-03-10, 07:11 PM

وآخر حاجة هاقولها يا سااااااااااااااااااااااااااااااااااااااااااااااااااااااااااااارة
مزاااااااااااااااااااااااااااااااااااااااااااااااااااااااااااااااااااااااااااجه كده هووووووووووو حررررررررررررررررر
ودمتم سالمين

ههههههه وهذا رأيي من البداية (:

أم عبيد الرحمان

07-03-10, 07:55 PM

أظن أنه فضل أن يكمل الصعود على قدميه لمجاهدة نفسه قليلا

أم عبيد الرحمان

07-03-10, 07:59 PM

أظن أنه يريد ان يجاهد نفسه قليلا

ام عبد الرحمن

07-03-10, 08:21 PM

السلام عليكم ورحمة الله وبركاته
احتمال كان يذكر الله بسور من القراءان او يقول اذكار
وراى ان المصعد سريع الوصول احب ان يكسب حسنات اكثر فخرج من المصعد لكى يكسب وقت اكثر فى ذكر الله ويزيد من حسناته
او لم يعجبه المصعد فخرج منه
او يمكن المصعد يكون للطابق العاشر فقط
او على رأى المثل من خفت راسه تعبت رجليه
هو عايز يصعد برجليه يجرى الدورة الدموية عنده مزاجه كدة انتو مزعلين نفسكم ومحتارين ليه يصعد برجليه ولا بالمصعد
ههههههههههههههههههههههههههههههه
ويا ريت تحلوا اللغز بقة
هههههههههههههههههههههههههههههههه

آمال محمد سليمان

07-03-10, 08:54 PM

كل الاحتمالات لقالوا الاخوات وااااااردة
وام الزهراوين جابت كل لممكن نفكر فيه :)

ممكن حتى يستشعر نعمة الله عليه
او حتى يقول لهذه النفس ليس كل الامور بالساهل ذق بعض التعب ياأيتها النفس وكفاية من الدلال

محبة الجنة

07-03-10, 11:52 PM

سارة بنت محمد

08-03-10, 10:43 AM

هلا هلا

لاااااااااااا

لازم أضع التعليق حالا

ما هذا الحماس

ممتاااااازات

أم الزهراوين لابج لها من هدية

أين الإدارة ؟؟؟؟؟؟ يا إدارة عاوزين وسام خاص لأم الزهراوين

هديتي لكنّ أن من شاءت أني (أحللها نفسيا الإجابة أفعل (ضحكة))

التعليق:

" الآن بعد أن أدلت كل منكن بدلوها

من منكن تخبرني بالترتيب الصحيح لمن يعرف حل هذا اللغز؟

سارة بنت محمد - الرجل نفسه - صديق مقرب من الرجل يعرف البناية جيدا ويعرف الرجل عن قرب - أحد المشاركات السابقات المجتهدات

على كل من شارك أن ترتب الأسماء السابقة بسررررررررعة

عاوزين على أخر اليوم نحط التعليق النهائي يا بنات

خادمة الذكر الحكيم

08-03-10, 10:59 AM

السلام عليكم ورحمة الله وبركاته
لو مثلا لسانسور له أزرار متسلسة بمعنى رقم واحد فوقه رقم اثنين فوقه رقم ثلاثة وهكذا بالتالي الرجل ما عنده قامة طويلة و ما يستطيع يضغط على رقم زر 15 عشر فيظطر أن يكمل على قدميه.
سبحان الله هذا رأيي ودخلت لأكتبه فوجدت أختي قد سبقتني
يعني هو قصير جدا وما وصل زر 15
بس لو كان معه عصاية يمكن انحلت المشكلة :rolleyes1:
ويمكن أصابته دوخة من المصعد فقرر أن يكمل مشيا على قدميه
والله تعالى أعلم ...

أم جويرية الأثرية

08-03-10, 11:53 AM

دخلت سيدة للمصعد في الطابق العاشر فاختار الخروج عوض التعرض للخلوة

و الله أعلم

سارة بنت محمد

08-03-10, 02:01 PM

ما شاااااااااء الله

الأخوات مستمرين ومحدش لاحظ مشاركتي الأخيرة

ايه يا جماعة هو ياما حمااااااااااس منقطع النظير إما مفيش حد يشااااااااارك

جاوبوا السؤااااااااااااااال الأخير

رقية مبارك بوداني

08-03-10, 02:10 PM

الحمد لله
يابنتي ياسارة أنا جالسة على كرسي مريح ومش مستعجلة أنتظرك لما تعلقي على خاطرك ياحلوة هههه:laugh:
لكن برضه سأجيب لما ارتاحت له نفسي كما قالت الاخوات
دخلت سيدة للمصعد في الطابق العاشر فاختار الخروج عوض التعرض للخلوة
و الله أعلم
:icony6::):icony6:

سارة بنت محمد

08-03-10, 03:09 PM

يا أختي يا أم حاتم أنا كمان جالسة على الكنبة والعيال ناموا وبراحتي على الأخر وأنا علقت بس الظاهر انت الكرسي عندك مريح والنظارة محتاجة تلميع ولو محدش جاوب على السؤال الثاني في الصفحة الثالثة مش هرد عليكو وهقطع النت خااااااالص عن البيت وده عقاب أسطوري للنساء طبعا

ونشوف بقة كرسيكي المريح هيستحمل ولا لا وخدوا بالكم لو الاجابات مجاتش على أخر سؤال النهاردة مش مجاوبة بكرة وهاخد أجازة كمان

ابتسامات وضحكات من الصبح وانا عمالة اقرا التعليقات بجد حبيتكم هههههههههههه

نفسي أتوب

08-03-10, 03:34 PM

من منكن تخبرني بالترتيب الصحيح لمن يعرف حل هذا اللغز؟

سارة بنت محمد - الرجل نفسه - صديق مقرب من الرجل يعرف البناية جيدا ويعرف الرجل عن قرب - أحد المشاركات السابقات المجتهدات[/size]

هو اللغز صعب من اوله
بس اعتقد الترتيب هوسارة بنت محمد - أحد المشاركات السابقات المجتهدات- صديق مقرب من الرجل يعرف البناية جيدا ويعرف الرجل عن قرب - الرجل نفسه
[ولكن هذ الترتيب يقول ان اجابتي خاطئه]

همسات..

08-03-10, 04:04 PM

اممممممممممم بصراحة مش فاهمة اللغز بس اهو نحاول وخلاص
الرجل نفسه - سارة بنت محمد - أحد المشاركات السابقات المجتهدات - صديق مقرب من الرجل يعرف البناية جيدا ويعرف الرجل عن قرب

أم ايمان

08-03-10, 04:15 PM

السلام عليكم ورحمة الله وبركاته

دوختينا يا ســـارة بنت أبيها ظننت أن الحل في تخمينات الأخوات وكم هي كثيرة
ممكن تريدين أن نصعد عشر طوابق لنجرب هاه...أنا سأعمل مثل أم حاتم أنتظر فوق كرسيي المريح جدا
يعني إذا كان الرجل مش قادر يضغط على الزر العاشر لما لم تساعديه أو يساعده صديقه المقرب :huh:

خذي :icony6: وأعطينا الحل يا سرور
نحبك بجد يا سارة

سارة بنت محمد

08-03-10, 04:25 PM

طيب أسهل عليكم الموضوع

تتفقوا معايا أن الراجل طبعا نفسه هو أدرى بسبب طلوعه الأدوار الخمسة على قدميه لأنه هو اللي طلع

وبعدين صديق له مقرب يعرف البناية كويس ويعرف الراجل وطبعه

وبعدين أنا (سارة بنت محمد ) باعتباري الراوي

وبعدين أنتم باعتباركم مجتهدين ؟؟

توافقوني ولالا؟؟

بنت الصديقة

08-03-10, 04:45 PM

أعتقد أن سارة بنت محمد - حفظها الله - هي الوحيدة التي تملك حل اللغز !

..

سارة بنت محمد

08-03-10, 04:50 PM

هههههههههههههههههه سارة بنت محمد حفظها الله هههههههههههههههههههههههههههههههه

لا تعليق

سارة بنت محمد

08-03-10, 04:53 PM

السؤال التاني لازم يكون التعليل منطقي ماشي

مفيهاش تخمينات ومتحتاروووووووووووش خليكو دغري

سارة بنت محمد

08-03-10, 05:17 PM

شوفوا بقة

بكرة ان شاء الله تخلص شحن كارت النت

لو مخلصتوش الموضوع ده النهاردة مش هشحن النت

وهسيبكم كدة إلى أن يشاء الله لحد ما تعضوا أصابع الندم (مش أصابعكم ) لا هتجيبوا الندم نفسه وتعضوا صوابعه ههههههههههههههههههههههههههههه

أمـة الخبيـراللطيف

08-03-10, 05:26 PM

أعتقد أن سارة بنت محمد - حفظها الله - هي الوحيدة التي تملك حل اللغز !

..

نعم أؤيد هذا الرأي .. فهي من جعلت الرجل يصعد على قدميه لتقدمه لغز لنا ..
صح ؟؟؟؟؟؟؟؟؟؟؟

سارة بنت محمد

08-03-10, 05:32 PM

يا أم حاتم يا أختي يا حبيبي انت فين وفين كرسيكي المريح خديني عندك أشرب شااااااااااااي

طيب أسهل عليكم الموضوع

تتفقوا معايا أن الراجل طبعا نفسه هو أدرى بسبب طلوعه الأدوار الخمسة على قدميه لأنه هو اللي طلع

وبعدين صديق له مقرب يعرف البناية كويس ويعرف الراجل وطبعه

وبعدين أنا (سارة بنت محمد ) باعتباري الراوي

وبعدين أنتم باعتباركم مجتهدين ؟؟

توافقوني ولالا؟؟

محبة العلم والعلماء

08-03-10, 05:41 PM

غرررررررررررررررريبة و الله(ضحكة)

رقية مبارك بوداني

08-03-10, 05:55 PM

الحمد لله
طيب يابنتي رغم انني على كرسي مريح إلا أنني بدأت آخذ الأمر بجد وأعمل فكري أكثر وهذا ما خمنته ههههههه ساشكوك إلى بنت خالتك زهرة ملتقانا الفواحة :laugh:
الرجل نفسه لانه يعرف لماذا نزل
سارة بنت محمد لانك تعرفين الحل
الصديق المقرب لانه يعرف قصد صديقه
:icony6::):icony6:

همسات..

08-03-10, 06:55 PM

الحمد لله

طيب يابنتي رغم انني على كرسي مريح إلا أنني بدأت آخذ الأمر بجد وأعمل فكري أكثر وهذا ما خمنته ههههههه ساشكوك إلى بنت خالتك زهرة ملتقانا الفواحة :laugh:
الرجل نفسه لانه يعرف لماذا نزل
سارة بنت محمد لانك تعرفين الحل
الصديق المقرب لانه يعرف قصد صديقه
:icony6::):icony6:

أتفقق مع الغالية أم حاتم

سارة بنت محمد

08-03-10, 06:56 PM

سارة بنت محمد لانك تعرفين الحل
الصديق المقرب لانه يعرف قصد صديقه

بس الصديق المقرب اللي يعرف قصد صديقه ويعرف البناية أولى من سارة بنت محمد

لأن سارة بنت محمد ممكن تكون تعرف الرجل ووممكن لا
وممكن تكون شافت البناية وممكن لا
وممكن تكون نقلت عن الراجل نفسه او عن الصديق
اما الصديق فهو يعرف صاحبة ويعرف البناية

ايه رأيك الكلام منطقي ولا لا؟ المفروض مين الأولى انا ولا الصديق؟

عائشة صقر

08-03-10, 11:03 PM

ماشاء الله ماشاء الله عليكم

كان عندي ردود كثيرة
أحس اني مشوشة وتلخبطت من قراءتي لكل الردود

ربما عندما يروح عني الصداع وأفكر بروية أعود
ولكنني متأكدة من أنكِ تقصدين شيئًا من مصطلح الحديث ورجاله

وطبعًا عن سؤال من الأولى : فهو الصديق بالتأكيد

إبتسام بنت عبدالعزيز المهوّس

09-03-10, 12:17 AM

سارة بنت محمد - الرجل نفسه - صديق مقرب من الرجل يعرف البناية جيدا ويعرف الرجل عن قرب - أحد المشاركات السابقات المجتهدات

طيب على بركة الله نقول :

1الرجل نفسه _
2 صديق مقرب من الرجل يعرف البناية جيدا ويعرف الرجل عن قرب-
3سارة بنت محمد -
4أحد المشاركات السابقات المجتهدات

:)

أم بتول السلفية

09-03-10, 01:25 AM

ايه ايه ايييييييييييييييييه داه هو انتو بتدخلو الملتقى من وراية
هو انتو بتدخلو امتا ؟؟؟ اغيب نص يوم الاقي نفسي خلاص على بنك الاحتياط و الاقي المطش اتلعب و انا نااااااااااااااااايمة :wacko:
يا عيني عليك يا ام بتول دايما متاخرة

طيب على بركة الله نقول :

1الرجل نفسه _
2 صديق مقرب من الرجل يعرف البناية جيدا ويعرف الرجل عن قرب-
3سارة بنت محمد -
4أحد المشاركات السابقات المجتهدات

:)

انا مع ابتسامة في الترتيب داه
يالا يا سارة هاني الحل بقىىىىىىىىى
خودي دي:icony6:

سارة بنت محمد

09-03-10, 10:19 AM

ما شاء الله ما شاء الله

متزعليش يا ام بتول احنا امبارح كنا كلنا قاعدين على كراسي مريحة قدام الجهاز ههههههههههه

طيب

الحل يا أخواتي

أولا هذا ليس لغز ولا يمكن أن يكون لغزا
لماذا ؟ لأنه يحتمل احتملالات كثيرة جدا
هذا طرح يستخدم في تعليم الطالب / والأولاد كيف يوسعون دائرة التفكير الخيالي وبالتالي يكون عندهم بدائل في الذهن لحل أي موقف يواجهونه وبالتالي أيضا يكون عندهم مرونة في التفكير وسعة صدر عند الاختلاف

لكن ظل هذا اللغز المزعوم يدور في ذهني سنوات وأنا أشعر أنه يمكننا استخدامه شرعيا لتعليم الناس بأسلوب ظريف وطريف وعقلي تماما ومنطقي مسألة مهمة من مسائل الشرع

"وهي أن الراوي أدرى بمرويه من غيره"

فالقرآن كلام الله ، ونحن نسلم أن كثير من المفسرين يقولون المعنى كذا وربما كذا ، طبعا القرآن ليس لغزا
لكن مثلا مثلا في مسألة تأويل الصفات عندما يقول قائل : الرحمن على العرش استوى" فيقول هذا لا لم يستو بل معناها استولى أو أي تأويل من تأويلاتهم
نقول له لا توقف !
المعنى ما قاله الصحابة (صديق الرجل الذي صعد الخمس أدوار) مقدم على كلامك أيها المفسر العالم المجتهد (قد يكون هذا العالم مجتهدا وقد يكون مبتدعا فتنبه) فكلامهم أولى لأنهم عاشوا مع النبي صلى الله عليه وسلم وعاينوا فعله وسمعوا القرآن من فمه غضا طريا

إذا الرسول صلى الله عليه وسلم هو أعلم بمعاني القرآن وقد قام بتفسيره عمليا :" إنا أنزلنا إليك الكتاب بالحق لتحكم بين الناس بما أراك الله " فالسنة هو المبينه للقرآن وكل ما فسر الرسول صلى الله عليه وسلم القرآن قولا أو عملا مقدم على غيره في الترجيح طبعا

ثم كلام الصحابة وتفسيرهم للقرآن والسنة وقولهم كنا نفعل كذا والقرآن ينزل ، كنا نفعل كذا على عهد النبي صلى الله عليه وسلم

ثم كلام العلماء من رواة نفس الحديث مقدم في كثير من الأحيان على كلام غيرهم من العلماء الذين لم يروو نفس الحديث على تفصيل طبعا وليس على اطلاق (سارة بنت محمد)

ثم كلام العلماء المجتهدين الذين نظروا في الأدلة وحاولوا التوفيق والفهم (مجتهدات المنتدى )

ما رأيك ؟؟ الموضوع حلو ؟ ولا نفسكو تضربووووووووني ؟
ابتسااااااااااااامة

محبة العلم والعلماء

09-03-10, 10:32 AM

الله مستعان بارك الله فيك منذ 3ايام و انا ارتقب الاجابة...........عجيبةو الله

ام عبد الرحمن

09-03-10, 10:32 AM

السلام عليكم ورحمة الله وبركاته
جزاكى الله خيرا يا اختى سارة
فعلا كلام جميل يكتب بماء الذهب
بس بعد ما دوختينا ما كان من الاول
هههههههههههههههههه

مروة عاشور

09-03-10, 10:53 AM

ههههههه ساشكوك إلى بنت خالتك زهرة ملتقانا الفواحة :laugh:

امممم سأنظر في الشكوى ((إبتصامة ))

ما رأيك ؟؟ الموضوع حلو ؟ ولا نفسكو تضربووووووووني ؟
ابتسااااااااااااامة

الإثنين حلو و.........هههههه

بإنتظار اللغز الثاني

وفي الأخير جزاكم الله جميعا خيرا.

رقية مبارك بوداني

09-03-10, 11:04 AM

الحمد لله
الله يسامحك ياسارة دوختينا وراك
لكن كلامك جميل ومنطقي ومفيد ، الله ينور عليك يا غالية
سحبت الشكوى ياقمراللي كنت رافعاها لبنت خالتك زهرة ملتقانا الفواحة
:icony6::):icony6:

ليلى أم سمية

09-03-10, 11:14 AM

جزاك الله خيرا أختي سارة
صراحة لغزك دوخنا
انا شخصيا كنت أظن أنه ربما تكون هناك علاقة بين السنوات العشر للطفل وفرضية الصلاة التي هي الخمس طوابق
الله المستعان

سارة بنت محمد

09-03-10, 01:29 PM

لا تنكرن أن شحذ التفكير جيد !! (ابتسامة)

وبعدين انا كدة ضمنت ان كلامي قراه كل المنتدى ههههههههههههههههه

لو كنت كتبته من غير لغز وتفكير ودوخة محدش كان هيقرا

كله كان هيتاوب وينام

وبعدين أنا خليت أم حاتم تعد على الكرسي المريح قدام الجهاااااااااااز هههههههههههههههههه

مروة عاشور

09-03-10, 01:42 PM

http://t-elm.net/moltaqa/images/icons/icon54.gifالله ما يحرمنا منكِ سارةhttp://t-elm.net/moltaqa/images/icons/icon54.gif

رقية مبارك بوداني

09-03-10, 03:01 PM

وبعدين أنا خليت أم حاتم تعد على الكرسي المريح قدام الجهاااااااااااز هههههههههههههههههه

الله يسامحك ياسارة لعلمك اسمك زي اسم بنتي سارة :laugh:
عارفة الشيء الي شدني ليك خفة دمك ياقمر
أحبك في الله رب ما يحرمنا منك
:icony6::):icony6:

آمال محمد سليمان

09-03-10, 03:08 PM

سارة بنت محمد

09-03-10, 03:15 PM

ولا منك يا زهور

أم حاتم ..أنا حبيتك من ساعة ما قلتي ((بنتي يا سارة) أنا قاعدة على الكرسي المريح ) حسيت أني سامعة صوتك بجد وشايفاكي وانت بتتكلمي
أحبك الذي أحببتني فيه وأكرمك الله بالجنة

وكل الأخوات المشاركات في اللغز تحيااااااااتي الغالية بجد بجد عملتوا شغل وإلى لقاء أخر ولغز جديد (عندما تتفتق القريحة وتتفتح الأزهار عن ..ايه اللي انا بقوله ده ؟ مش مهم انتو فاهميني )

بصوا بقة : كل واحدة تروح لولاد العيلة بتاعتها وكل ما الطفل يقولك افتحيلي النور :
تقوليله ليه ؟
يقولك انا مش عارف اطوله
قوليله : طب تعالى نفكر في احتمالات (هههههههههه)
انت مش قادر ،تعمل ايه ؟
تجيب كرسي ايه كمان ؟
تجيب عصايا طويلة ايه كمان ؟
أقفز ايه كمان؟

غالبا هيقولك أجيب ماما تفتحه أسهل هههههههه

والان نتكلم جد :
هل هذا الأسلوب الاخر مثمر في التعليم أم فيه حد عنده نقد ؟

سارة بنت محمد

09-03-10, 03:20 PM

وجزاك الله خيرا حنيـــــــــــــــــين الجنة وبارك فيك

ابتسامات وضحكات والله خليتو الواحد يفرفش

الحمد لله ان أم حاتم سحبت الشكوى ....فيها حبس دي ولا ايه ؟

أم ايمان

09-03-10, 03:25 PM

السلام عليكم ورحمة الله وبركاته

بصراحة أعجبني كثيرا طريقة عرضك لموضوع اللغز
دوختني ما فيش كلام ولكن تعلمنا منك الكثير الطرح العلمي والفقهي بطريقة ســـــــــارة يفتح النفس
روحي يا سرور الله يفتح عليك

أم بتول السلفية

09-03-10, 04:36 PM

بارك الله فيك يا سارة فكرة حلوة و جمييييلة ما شاء الله
احبك في الله و الله يشهد على كلامي
زادك الله من علمه

مروة عاشور

09-03-10, 05:27 PM

والان نتكلم جد :
هل هذا الأسلوب الاخر مثمر في التعليم أم فيه حد عنده نقد ؟

ما عندي مانع أراه أفضل وأبسط وأقرب للفهم وبعيد عن لغة لايفهمها الكثير وبها إبتسامة تفتح القلوب

هذا رأيي والله أعلم

سارة بنت محمد

09-03-10, 05:58 PM

أم إيمان الله يكرمك ويبارك فيك ويفتح عليك ويسعدك مثلما أسعدتني

أم بتول أنا عارفة أنك بتحبيني في الله وأنا كمان بحبك في الله أسأل الله تعالى أن يجمعنا (جميعا) في ظل عرشه يوم القيامة مثلما جمعتنا في الدنيا محبة على غير أرحام (والدعوة دي لكل اللي بحبه وبيحبني في الله عشان منسمعش كلمتين )

زهور جزاك الله خيرا

هي فين بقة أم الزهراوين ؟ دي كانت أكثر المشاركات لازم بتحضر لنا تعليق و...عصاية (ابتسامة)

أم جويرية الأثرية

09-03-10, 06:19 PM

جزاك الله خيرا

أم عبدالرحمن سعد

09-03-10, 06:27 PM

حياك الله أخيتي

بارك الله فيك أختي ساره، موضوع جميل جداً، لم اشغل دماغي هكذا من زمان، لكن لغزك حرك لي المادة الرمادية.

ربنا يجازيك الجنة خالدة فيها بدون حساب ولا عقاب ويجعل أيامك كلها سرور في سرور

امتعتنا

شيماء تونس

09-03-10, 09:04 PM

أم بتول السلفية

09-03-10, 09:34 PM

جزاك الله خير يا غالية
ولله خليتينا نسال من حولنا عن اللغز بس بالاخير استفادنا كثيرا و الحمد لله ، ما شاء الله الاسلوب مميز و مفيد اعطاء معلومات مفيدة بطريقة ظريفة
الله ينور صدرك بالقران

ههههه عندك حق يا شيماء انا ايضا سألت من حولي عن حل اللغز
و لكن اطمئني يا سارة سألتهم بعدما اجبت يعني لم اغش :rolleyes1:

سمية ممتاز

10-03-10, 07:47 PM

راااااائعة يا سارة

جزاك الله خير ..

سارة بنت محمد

13-03-10, 11:51 PM

أخواتي الحبيبات

أم جويرية ، أم عبد الرحمن ، شيماء ، أم بتول ، سمية

بارك الله فيكن وأجزل لكن العطاء (أنا بس قلت أخدكم جملة ابتسامة)

صبرا أندلسا

17-03-10, 10:23 PM

وعليكم السلام ورحمة الله وبركاته
أشارك الأخت أم الزهراوين فيما سردت من نقاط وبالذات النقطة الثانية والرابعة
وبارك الله فيك أختنا سارة

سارة بنت محمد

18-03-10, 05:05 PM

وعليكم السلام ورحمة الله وبركاته
أشارك الأخت أم الزهراوين فيما سردت من نقاط وبالذات النقطة الثانية والرابعة
وبارك الله فيك أختنا سارة

بارك الله فيك أختنا الفاضلة

ابتسامااااااات ننتظرها منك بعد قراءة الصفحة السادسة : ))

الفـجر

19-03-10, 06:51 PM

راااااائعه ياساره

جزيتي الفردوس

سارة بنت محمد

21-03-10, 11:05 AM

بارك الله فيك يا فجر أنتم أكثر روعة بصراحة في المنتدى وتفاعلكم متميز

شكرا على الاطراء ولو أنه مبالغ ؟؟!! (ابتسامة) وآآآآآآآه لو عرفتم معنى رائعة

محبة كتاب الله

10-09-11, 12:43 AM

رائـــــــــــع بكل ما فيه
اكتشفته منذ زمن ،،، وكلما أردت أروح عن نفسي أقرأه من البداية الى النهاية ،،، مروراً بجميع المشاركات

وتحليلا للشخصيات ،، وطريقة التفكير ،، : ) ،، تعرفت تقريبا على جميع من كتب مشاركة هنا ولو عن بعد : )

نصيــــــحة ،، افتحوا أول صفحة من الموضوع واقرؤه بالترتيب ،،،
رائع بكل ما تحمله الكلمة من معنى

من يوم اكتشافي للموضوع وأنا أحلل بهذه الطريقة ،، واخترع الالغــــــــاز : )

معلمتي سارة :icony6::icony6:
جزاك ربي عني خير الجـــــــزاء ،، ورضي عنك وأرضاك ،،