|
الألوان وكيفية اختيارها بالتصميم
الألوان الألوان تعني الكثير للفنان ، والتصوير يعتبر فن وكل مصور يصور صورة ويعرضها معناها انه يعرض فنه للناس وفي حياتنا اليومية .. تمر علينا الألوان بأشكال مختلفة وتدرجات متفاوتة وعشان نعرف ونفهم الألوان خلونا نشوف مع بعض وش هي الألوان ؟ وكيف تتكون ؟ الألوان الرئيسية عندنا هي ( أحمر – أصفر – أزرق ) :: وفي حال دمجنا لأي لونين أساسيين بتطلع لنا ألوان ثانوية الأحمر + الأزرق = بنفسجي الأرق + الأصفر = أخضر الأصفر + الأحمر = برتقالي :: وفيه حال دمجنا أي لون رئيسي مع اللون الثانوي اللي جمبه بتطلع لنا ألوان أكثر وتسمى (الألوان الثالثية!) الصورة اللي فوق تجمع الألوان الأساسية والثانوية والثالثية .. الدائرة اللي تكونت لنا اسمها عجلة الألوان – color wheel ولأن لكل لون تدرجاته المختلفة (فاتح – غامق أغمق – غامق مررة .. الخ) نقدر نوصل بعجلة ألوان فيها تدرجات مختلفة وهي اللي طرحناها على متابعينا في تويتر أمس عجلة الألوان مفهومنا لعجلة الألوان كمصورين مهم جداً جداً جداً ومفهومنا له في حياتنا العامة مهم جداً جداً جداً جداً جداً ليش مهم ؟ الألوان موجودة في حياتنا في كل مكان نشوف الألوان بشكل دائم في : الملابس :: الاكسسوار والميك أب :: وفي الديكور والتصميم الداخلي :: الألوان موجودة أيضاً في اختيار السيارات تناسق الألوان عجلة الألوان كلها ألوان .. والدمج في الألوان له قواعد كثيرة يمكن تطبقونها في غرفكم .. أو رسماتكم والأهم في صوركم إذا كنت مسافر ولابس لبس لونه أخضر ؟ وتبغى تأخذ لنفسك صورة ؟ بتأخذها عند البحر ؟ أو مع اللون الرملي للشاطئ ؟ إذا شفت مبنى جميل .. لونه أصفر .. بتصوره لحاله ؟ أو بتضيف جزء من السماء له ؟ كل هذي الأفكار وأكثر المفروض تجي في بالك .. وتفكر فيها كمصور وقت التصوير تناسق الألوان يعتمد بشكل كبير على عجلة الألوان وفيه قواعد مختلفة لدمج الألوان عن طريقة عجلة الألوان بنتكلم عن أشهر ٣ قواعد لدمج الألوان ١- التدرج اللوني (الأحادي) ٢- المكمل (التضاد اللوني) ٣- التوافق الثلاثي يمكن الأسماء ما تكون واضحة .. بس لأن مالها ترجمة واضحة. بس بالصور والأمثلة بتكون أوضح إن شاء الله ١- التدرج اللوني (الأحادي) وهو استخدام درجة لونية واحدة من عجلة الألوان واستخدامها في الصورة ومثال لاستخدام اللون الأحادي (أو التدرج من نفس اللون) مثال آخر ٢ – المكمل (التضاد اللوني) وهو استخدام لونين متقابلين في عجلة الألوان ممكن نستخدم لون كعنصر أساسي .. واللون الثاني كخلفية استخدامنا لهذه القاعدة يساعد في إبراز العنصر المراد تصويره بشكل أكبر وكمثال للتطبيق شاهدوا الصورة التالية ٣- التوافق الثلاثي يكون عندما نختار ثلاث ألوان من على شكل مثلث وكمثال لذلك ذكرنا لك أهم ثلاث قواعد دمج الألوان في عجلة الألوان فيه قواعد ثانية تكون مابين الدمج الثلاثي والتضاد اللوني بس المذكور هو الأهم ارجعوا لأفضل الصور المحتفظين بها سواء عن طريق تصويركم أو تصوير مصورين تتابعونهم وبتلاحظون ان الألوان لاعبة لعبة كبيرة في جودة وإخراج الصورة أتمنى انكم وجدتم الفائدة في هذا الدرس |
يعطيك العافيه والصحه موضوع مفيد جدا
|
| الساعة الآن 04:03 PM. |
Powered by vBulletin® Version 3.8.11
Copyright ©2000 - 2024,Jelsoft Enterprises Ltd.
هذه المنتديات لا تتبع أي جماعة ولا حزب ولا تنظيم ولا جمعية ولا تمثل أحدا
هي لكل مسلم محب لدينه وأمته وهي على مذهب أهل السنة والجماعة ولن نقبل اي موضوع يثير الفتنة أو يخالف الشريعة
وكل رأي فيها يعبر عن وجهة نظر صاحبه فقط دون تحمل إدارة المنتدى أي مسؤلية تجاه مشاركات الأعضاء ،
غير أنَّا نسعى جاهدين إلى تصفية المنشور وجعله منضبطا بميزان الشرع المطهر .