العودة   ملتقى طالبات العلم > . ~ . الأقسام الدعوية والاجتماعية . ~ . > روضة الداعيات إلى الله > خواطر دعوية

الملاحظات


خواطر دعوية واحة للخواطر الدعوية من اجتهاد عضوات الملتقى أو نقلهن وفق منهج أهل السنة والجماعة

إضافة رد
 
أدوات الموضوع إبحث في الموضوع انواع عرض الموضوع
قديم 08-02-10, 02:48 PM   #1
ام البراءوحمزة
جُهدٌ لا يُنسى
 
تاريخ التسجيل: 22-01-2008
المشاركات: 5,333
ام البراءوحمزة is on a distinguished road
c3 عفوا ..أنا بقيت أخت!!!

عفوا ..أنا بقيت أخت!!!

بسم الله الرحمن الرحيم


بصوا


اسمحولي أتكلم شوية مع نفسي

يعني اللي هايتكلم دلوقت ... أنا و نفسي
وانتوا مالكوش دعوة




............ ........



فاكرة الأيام دي ؟؟؟



أول ما لبستي حجاب شرعي سليم؟؟

و الناس كلها بقت بتقوللك يا أخت فلانة
و بقيتِ لما تشوفي واحدة متبرجة بتروحي تكلميها ؟
و لما تلاقي سواق الميكروباص مشغل أغاني تديله شريط ؟؟
لما كنتِ بتمشي في الشارع وكتاب طلب العلم في شنطتك وماشية للمسجد وكأنك رايحة للجنة ؟؟
و لما كنتِ بتسجدي و تقعدي تتكلمي مع ربنا و تحكيله على كل اللي مزعلك و تشتكيله ؟؟




فاكرة المشاعر اللي كنتِ بتحسي بيها أيامها ..؟؟



كنتِ بتحسي إنك طايرة من الفرحة .. و إن الحياة كلها منورة .. و إنتِ ماشية في الشارع حاسة إن الشوارع و العمارات بتضحك و الدنيا فعلا شكلها اتغير

حتى لما تحصلِلك مشاكل
لما كنتِ بتقعدي وسط أصحابك وتلقيهم بينموا وتنصحيهم بيزعقولك ويقولولك( وهو فيه إيه يعني دي شوية فضفضة )
كنتِ بتسبيهم و انتِ زعلانة على حالهم ولكن كنتِ بتبقي فرحانة إنك سبتي شيء لله و لما كانت بتحصلِلك مشاكل في البيت و خناقات .. أول ما المشكلة تعدي كنتِ بتحمدي ربنا و بتفرحي جدا و تحسي إنك نجحتي في الابتلاء




فاكرة المشاعر دي



لما كنتِ كل ماتعرفي حاجة جديدة في الدين بتحاولي انكِ تنفذيها فورا من غير ماتسألي ده واجب و لا مستحب


لما قعدتي تتدربي مع نفسكِ في البيت عشان تعرفي تقعدي جلسة التورك في الصلاة
و لما كنتِ كل لما تيجي تشرب حاجة تدوري على حتة تقعدي فيها عشان تشربي وانتي قاعدة على السنة





فاكرة المشاعر دي؟؟؟؟



(مشاعر البداية)

؟؟؟




أمال إيه اللي حصل بعد كده ؟؟؟



كنتي في الأول بتستغرب من كلمة يا أخت و الكلام ده و تقولي أنا لسه ماوصلتش للحاجات دي


دلوقتي اتعودتي على الكلمة دي .. و لما حد بيقول يا أخت (حتى لو مايقصدكيش انتِ) بتبصي فاكرك بينادي عليكِ
دلوقت سمعتي شرايط كتير و حضرتي شوية دروس
و بدأت تصدقِ إنك أخت بجد
و الناس بقت بتسألكِ في الدين
و انتِ بقيت بتفتي
و بقيتِ تقولي الشيخ فلان ده مبتدع
و الشيخ فلان ده ربنا يهديه
و بقيتِ تقول ي: أصل ده مستحب
لا ده مش حرام ده مكروه
لا أصلِك مش فاهمة.. ده في مواضع تجوز فيها الغيبة
و بعد كده بدأتي تتخِلى عن حاجات كتير كنت بتعمِلها و تقولي أصلها مستحبة
و المرحلة اللي بعدها رجعتي لشوية معاصي و بقيتِ تنام عن صلوات و و.. و...
... بس برضه
..أنا لسه( ملتزم )




فاكرة مشاعرك في الفترة دي ؟؟؟



مشاعر ... مشاعر إيه ؟؟

مابقاش في مشاعر خلاص




أنا بقيت لما أسمع درس في الرقائق أقول الحاجات دي كلها أنا عارفاها و سمعتها قبل كده

أنا عديت المرحلة دي
و الصلاة خلاص اتعودت عليها و مابقتش باحس فيها بأي حاجة




مابقاش في أي مشاعر




فيييييييييييييييييييييييييين أيام زمان ..؟؟



طيب أمال المشاعر الحلوة بتاعة زمان دي راحت فين ؟؟؟



أنا هاقوللِك



مشكلِتك إنِك عشتي الوهم


كذبتي كذبة كبيييييييييييرة و صدقِتها
الكذبة دي هي كذبة
أنا بقيت أخت




بس استنى بس و ماتقعديش تقوللي لا ياستي انا لا أخت ولا حاجة ده أنا غلبانة و كلي ذنوب



دي الكذبة التانية



إنكِ حتى مع نفسِك من غير ماحد يبقى معاكِ بتكدبي و تقولي إنكِ شايفة نفسك ولا حاجة


و إنتِ من جواكِ شايفة نفسك حاااااااااااااجة كبيييييييييييييييييرة جداااااا
بس المصيبة إنِك مش عارفة كده
مش عارفة أِنك شايفة نفسك


موضوع معقد مش كده ؟؟

بس هي دي الحقيقة


شيخ الإسلام كان في عصره في شبهات كتير و كان هو بيتصدى لكل الشبهات دي و ليه كتب كتير في الرد على المبتدعة


بس شوفي الكلمة دي
كان بيقعد بعد صلاة الفجر في المسجد حتى يتعالى النهار يعني لحد الظهر و يقول:
(هذه غدوتي لو لم اتغدى هذه الغدوة لسقطت قواي)



و العلماء بيقولوا إن الكلام في الرجال و الرد على أهل البدع لو ماكانش صاحبه ليه حال مع ربنا يقسي القلب



عرفتِ ليه المشاعر راحت ؟؟

قال الإمام الذهبي
(الكلام في الرجال لا يجوز إلا لتام المعرفة تام الورع)




يعني مش إنتِ خااااااااااالص



إنتِ تسكتي و تبص لحالك


إنتِ إيه حالِك مع ربنا
إيه حالِك في صيام النوافل و قيام الليل و الدعوة إلى الله
إنتِ صدقتي أنك أخت بجد ولا إيه




لأ فوووووووووووووووووووووووووووووووقي



فوقي و حاولي تلحقي نفسِك قبل فوات الأوان





طيب أنا أعمل إيه دلوقت عشان أرجع الأيام دي تاني



-لازم أول حاجة تلجأِ لربنا


خليكي قدام الباب و ألحي في الدعاء إنه يخلِصك من اللي انتِ وصلتيله ده
- ابعدِ نفسك عن أي مجال للجدال و الكلام عن أي حد مش موجود سواء مشايخ أو غيره حتى لو مخالفين للمنهج السلفي و لو يعني اتزنقتِ و انتِ مثلا بتدعو حد و بتكلمه مثلا عن الأغاني و قاللِك أصل الشيخ فلان قال تقوليله إن كل إنسان ممكن يغلط و مادام الأمر في نص من القرآن و السنة يبقى ماينفعش نقدم كلام أي حد على كلام ربنا و كلام الرسول صلى الله عليه و سلم وكده بس إوعي تغلطِ في الشيخ اللي قاللتلك عليه و والله ده هايعليكِ عند اللي قدامك دي
-لازم يبقى ليكي حال مع ربنا و ليكي ورد من العبادات تحاسبِ نفِسك عليه
- باختصار .. لازم تقفي مع نفسِك و تشوفي يومك اللي انتِ بتقضيه ده يوم واحدة ملتزمة ولا لأ .

منقووووووووول

http://www.manhag. net/bb35/ viewtopic. php?f=258&t=105237



توقيع ام البراءوحمزة
[frame="2 80"]
عدت إليكن بفضل الله
[/frame]
ام البراءوحمزة غير متواجد حالياً   رد مع اقتباس
قديم 08-02-10, 08:07 PM   #2
طالبة الرضوان
جُهدٌ لا يُنسى
افتراضي

جزاك الله خيرا أم البراء وحمزة وكتب الله أجرك..
لكن عندي ملاحظة بسيطة يالغالية:
ياحبذا تكون المواضيع باللغة العربية،وليست باللغة العامية، عملاً بقوانين الملتقى، ولأن الملتقى يتواجد فيه عضوات بمختلف الجنسيات..



توقيع طالبة الرضوان
سبحان الله،والحمد لله،ولا إله إلا الله،والله أكبر ..
طالبة الرضوان غير متواجد حالياً   رد مع اقتباس
قديم 08-02-10, 10:08 PM   #3
لؤلؤه لامعه
~مشارِكة~
افتراضي

جزاكي الله خيرا وبارك فيكي



توقيع لؤلؤه لامعه
[CENTER][IMG]http://www.baitona.com/baitona/uploaded/21448_01262647450.gif[/IMG][/CENTER]
لؤلؤه لامعه غير متواجد حالياً   رد مع اقتباس
قديم 09-02-10, 12:21 AM   #4
ام الشيماء
~متألقة~
 
تاريخ التسجيل: 31-01-2010
العمر: 60
المشاركات: 615
ام الشيماء is on a distinguished road
افتراضي

وعليكم السلام ورحمة الله وبركاتة

اسمحي لي ابدي اعجابي بقلمك وتميزك واسلوبك الراقي وتالقك
ام الشيماء غير متواجد حالياً   رد مع اقتباس
قديم 09-02-10, 06:55 AM   #5
█◄أنوار نجد►█
جُهدٌ لا يُنسى
افتراضي

جزاكِ الله خيراً أختنا
أم البراء وحمزة

فللمسلم أمران :
أمر الدنيا .. وأمر الآخرة
فهو ينظر إلي من هو أقل منه في أمر الدنيا حتي يحمد الله ويشكره ويرضي بقضاء الله عليه , وبهذا يدفع السخط من قلبه ..
وينظر إلي من هو أعلي منه في أمر الآخرة حتي يعرف ضئالة عمله ويعلم أنه يجب عليه الإجتهاد ليلحق بركب السابقون إلي الله , وبهذا يدفع العجب من قلبه , وتعلم نفسه أنها ما جادت إلا بالقليل ..

وهذا سفيان الثوري إمام الدنيا في الزهد والورع والحديث، ينام على فراش الموت ويدخل عليه حماد بن سلمة فيقول له: أبشر يا ـ أبا عبد الله ـ أنك مقبل على ما كنت ترجوه، وهو أرحم الراحمين فيبكى سفيان ويقول: أسألك بالله يا حماد أتظن أن مثلي ينجو من النار؟!!!



توقيع █◄أنوار نجد►█
█◄أنوار نجد►█ غير متواجد حالياً   رد مع اقتباس
قديم 09-02-10, 10:04 AM   #6
ام البراءوحمزة
جُهدٌ لا يُنسى
 
تاريخ التسجيل: 22-01-2008
المشاركات: 5,333
ام البراءوحمزة is on a distinguished road
افتراضي

وفيكن بارك الرحمن أخواتى الفضليات
أختى طالبة الرضوان كنت سأصوغه ولكنى خشيت أمانة النقل
مرفق أخيتى الموضوع باللغه العربية
يمكنك عمل تعديل ووضعه بدل الآخر حتى تعم الفائدة
بارك الله فيك غاليتى
الملفات المرفقة
نوع الملف: docx عفوا.docx‏ (20.9 كيلوبايت, المشاهدات 387)
ام البراءوحمزة غير متواجد حالياً   رد مع اقتباس
قديم 09-02-10, 11:11 AM   #7
الشهيدة بإذن الله
جُهدٌ لا يُنسى
افتراضي

بارك الله فيك ووفقكِ

وجزاك الله خيرا



توقيع الشهيدة بإذن الله
{لاَّ يَسْتَوِي الْقَاعِدُونَ مِنَ الْمُؤْمِنِينَ غَيْرُ أُوْلِي الضَّرَرِ وَالْمُجَاهِدُونَ فِي سَبِيلِ اللّهِ بِأَمْوَالِهِمْ وَأَنفُسِهِمْ فَضَّلَ اللّهُ الْمُجَاهِدِينَ بِأَمْوَالِهِمْ وَأَنفُسِهِمْ عَلَى الْقَاعِدِينَ دَرَجَةً وَكُـلاًّ وَعَدَ اللّهُ الْحُسْنَى ...} النساء
الشهيدة بإذن الله غير متواجد حالياً   رد مع اقتباس
قديم 09-02-10, 12:18 PM   #8
الوسام
~مشارِكة~
 
تاريخ التسجيل: 12-05-2009
الدولة: حيث رضى والديَّ وربي
المشاركات: 179
الوسام is on a distinguished road
افتراضي


أسألك بالله يا حماد أتظن أن مثلي ينجو من النار؟!!!

أين نحن من هذا القول..؟
بارك الله فيكن أخياتي..



توقيع الوسام
ألقاكن على خير يا غاليات..
اللهم بلغنا رمضان،ووفقنا فيه للصالحات،وتقبله منا..

التعديل الأخير تم بواسطة الوسام ; 09-02-10 الساعة 12:20 PM
الوسام غير متواجد حالياً   رد مع اقتباس
قديم 09-02-10, 12:29 PM   #9
أثر الخير
جُهدٌ لا يُنسى
Icon55

[all1=#ff0000]
جزاك الله خيري الدنيا والآخرة
[/all1]

وفكرة طيبة إعادة كتابة الموضوع وكذلك التثبت من بعض الجمل
التي النفس منها شئ مثل ( لما تلاقي سواق الميكروباص مشغل أغاني تديله شريط ؟؟) لأن المرأة ليس عليها دعوة الرجال والله أعلم وياريت يكون فتوى في هذا الأمر
وكذلك جملة ( و لما كنتِ بتسجدي و تقعدي تتكلمي مع ربنا و تحكيله على كل اللي مزعلك و تشتكيله ؟؟)
الله ييسر لنا الوقوف على أقوال أهل العلم في مثل هذه العبارات

[glow=#ff0000]
جزاك الله خيرا لقد نفعني موضوعك
جعلك الله مباركة أينما كنت
[/glow]





توقيع أثر الخير
أثر الخير غير متواجد حالياً   رد مع اقتباس
قديم 09-02-10, 03:21 PM   #10
أم لين
~مستجدة~
 
تاريخ التسجيل: 06-01-2010
العمر: 37
المشاركات: 12
أم لين is on a distinguished road
افتراضي

جميل جدا بوركت لاحرمت الأجر أختي
الله يعفوا عنا يارب
أم لين غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

(View-All Members who have read this thread in the last 30 days : 0
There are no names to display.
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
وقعت أختي في ذلة فهلكتُ أنا ؟لماذا ؟؟ مروة عاشور روضة المتحابات في الله 12 30-03-14 07:03 PM
نزول القرآن الكريم وتاريخه وما يتعلق به طـريق الشـروق روضة القرآن وعلومه 8 22-12-07 03:50 PM


الساعة الآن 11:58 AM.


Powered by vBulletin® Version 3.8.11
Copyright ©2000 - 2024,Jelsoft Enterprises Ltd.
هذه المنتديات لا تتبع أي جماعة ولا حزب ولا تنظيم ولا جمعية ولا تمثل أحدا
هي لكل مسلم محب لدينه وأمته وهي على مذهب أهل السنة والجماعة ولن نقبل اي موضوع يثير الفتنة أو يخالف الشريعة
وكل رأي فيها يعبر عن وجهة نظر صاحبه فقط دون تحمل إدارة المنتدى أي مسؤلية تجاه مشاركات الأعضاء ،
غير أنَّا نسعى جاهدين إلى تصفية المنشور وجعله منضبطا بميزان الشرع المطهر .